【一登獅子山上！】
不時都同大家分享香港各地嘅行山路線推薦，但說來慚愧，從來都未上過最熱門之一嘅獅子山。或者，每次行山都想去啲離開市區嘅地方，亦唔想去啲咁熱門、人頭湧湧嘅地方，變相當你唔知去邊，突然起興，獅子山又係個唔錯選擇。
由沙田上山、天馬苑落返山，講真一啲都唔難行，只係沙田上山要不斷咁上樓梯，沿途都唔多風景睇，但嚟到「獅子頭」位置，成個九龍景色盡收眼底，即使唔係平時行山見到嘅湖光山色，密密麻麻嘅城市樓景，又有講唔出嘅震撼力－－當然如果你畏高嘅話，可能仲會有少少腳震添。
入夜之後，人流少咗好多，夜景同你喺港島太平山一帶睇又有所唔同，更深感受到香港嘅郊外同城市可以咁近，車水馬龍確係香港獨有景象，感覺比青衣嚟得更近，青衣果條都有少少荒蕪景，呢條真係完全城市景（青衣郊遊徑遊記可看留言連結）。
唔怪得旅行遇到啲Backpacker都咁鍾意嚟香港，唔係Shopping，係行山。
雖然講緊獅子山，但我講唔出咩最愛香港、香港永遠是我家之類文青式感慨說話，你知我知根本唔鍾意，就無謂講出嚟呃人，不過無可否認呢個夜景堅靚嘅。
如果睇夜景，落山係完全摸黑咁落，請自備頭燈或電筒，落黃大仙大約30分鐘就到，小心啲行又冇咩問題嘅。
✨ 網店正式開張！新張期內貨品低至$5！請即睇：https://bit.ly/3qLPkpk
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
Search